"Həkimlərimizi tanıyaq!" rubrikamızın növbəti qonağı | Ali dərəcəli ümumi və bariatrik cərrah Aslan Abdulladır.

Azərbaycan və Rusiyada aldığı tibbi təhsil, Almaniya və Türkiyədə keçdiyi ixtisasartırma proqramları, eləcə də laparoskopik, bariatrik və metabolik cərrahiyyə sahəsindəki ixtisaslaşması onun peşəkar fəaliyyətinin əsas istiqamətlərini təşkil edir.

2018-ci ildən Zəfəran Hospitalda fəaliyyət göstərən həkim 12-dən artıq bariatrik-metabolik əməliyyat növünü icra edir. Eyni zamanda, qida borusu, mədə və yoğun bağırsaq xərçənginin cərrahi müalicəsində laparoskopik üsulları tətbiq edir.

IFSO – Beynəlxalq Piylənmə və Metabolik Pozğunluqların Cərrahiyyəsi Federasiyasının üzvü olan Aslan Abdulla beynəlxalq elmi konqres və konfranslarda da fəal iştirak edir. 2025-ci ildə keçirilən Dünya Endoskopik Cərrahiyyə Konqresində məruzə ilə çıxış edib və çempionatda iştirak edib.