Aztibb.az-a Qobustan RMX-dan verilən xəbərə görə, səyyar müayinələrdə həkim-terapevt, həkim-oftalmoloq, həkim-pediatr və digər tibb işçiləri iştirak ediblər. Müayinə çərçivəsində sakinlərə ilkin tibbi baxış keçirilib, qan nümunələri götürülüb və zəruri laborator müayinələr aparılıb.

 

Ümumilikdə, 30-dan çox kənd sakininə 150-yə yaxın tibbi xidmət göstərilib. Əlavə ixtisaslaşmış tibbi yardıma ehtiyacı olan pasiyentlər müvafiq tibb müəssisələrinə yönləndirilib.

Bununla yanaşı, sakinlərə ölkəmizdə səhiyyə sahəsində həyata keçirilən yeniliklər, tibbi xidmətlərin əlçatanlığının artırılması və əhalinin sağlamlığının qorunması istiqamətində görülən işlər barədə məlumat verilib.

 

Qeyd edək ki, bu cür səyyar tibbi müayinələrin təşkili əhalinin sağlamlığının qorunmasına, xəstəliklərin erkən aşkarlanmasına və tibbi xidmətlərə əlçatanlığın artırılmasına xidmət edir