ATU-nun Ümumi cərrahlıq kafedrasının müdiri, Tədris Cərrahiyyə Klinikasının ümumi cərrahı, professor Elçin Ağayev tərəfindən şəhid anasının dalağında aşkarlanan çoxsaylı kistalarla əlaqədar laparoskopik üsulla cərrahi əməliyyat icra olunub.

Bu barədə Aztibb.az-a TCK-dan məlumat verilib.

Bildirilib ki, kompüter tomoqrafiyası (KT) müayinəsi zamanı dalaqda çoxsaylı kistoz törəmələr və hemangiomalar aşkarlanıb. Bu törəmələrin gələcəkdə ağırlaşma və daxili qanaxma riski yaratma ehtimalı nəzərə alınaraq cərrahi müdaxilə qərarı verilib.

TCK-da şəhid ailələrinə göstərilən diqqət və qayğı daim prioritet istiqamətlərdən biri olmaqla, onların sağlamlığının qorunması xüsusi diqqət mərkəzində saxlanılır.