Kəskin infeksiyalar və xroniki xəstəliklərin kəskinləşməsi qripə qarşı peyvəndin vurulması üçün əks-göstərişlər sırasındadır.
Aztibb.az "RİA Novosti"yə istinadən xəbər verir ki, bu barədə kardioloq Yevgeni Şlyaxto məlumat verib. O, xüsusilə ürək-damar xəstəliklərinin dekompensasiyası hallarını qeyd edib.
“Qripə qarşı peyvənd üçün əks-göstərişlərə allergiya, kəskin infeksion xəstəliklər və xroniki xəstəliklərin kəskinləşməsi daxildir”, – deyə həkim bildirib.
Mütəxəssisin sözlərinə görə, qrip epidemiyasının yüksəliş mərhələsi başlamazdan əvvəl ilk növbədə ürək-damar xəstəlikləri olan şəxslərin, hamilə qadınların, 60 yaşdan yuxarı insanların, həmçinin maddələr mübadiləsi pozğunluğu və piylənmədən əziyyət çəkən şəxslərin peyvənd olunmasına üstünlük verilməlidir.
