Çox vaxt artıq çəkidən qurtula bilməməyin, sürətlə çəki almağın və ya inadkar qarın piylərinin arxasında insulin rezistentliyi dayanır ki, hüceyrələr insulin hormonuna qarşı həssaslığını itirdikdə bədən şəkəri enerjiyə çevirə bilmir və onu piy kimi depolayaraq piylənmə prosesini sürətləndirir.

Aztibb.az "Posta" nəşrinə istinadən yazır ki, araşdırmalara görə, hər on nəfərdən dördü insulin rezistentliyindən xəbərsizdir və yeməkdən dərhal sonra gələn ağır yuxulama, halsızlıq, anidən yaranan idarəolunmaz şirniyyat istəyi, eləcə də sürətli çəki artımı ilə qarın nahiyəsində toplanan piylər məhz bu vəziyyətin ilkin siqnalları ola bilər.

Vaxtında qarşısı alınmayan insulin müqaviməti bədəni addım-addım Tip 2 diabetə doğru aparır, çünki mədəaltı vəzi qandakı şəkəri hüceyrələrə daxil etmək üçün durmadan daha çox insulin ifraz edir və zamanla funksiyasını itirir. İnsulin rezistentliyi geri dönən bir proses olduğundan diabetdən qorunmağın və piylənmənin qarşısını almağın yolları həyat tərzində dörd əsas addımın tətbiqini tələb edir.

Qan şəkərini sürətlə qaldıraraq insulini pik həddə çatdıran raffinə olunmuş şəkər və unlu məmulatları azaltmaq, tərəvəzlər və tam taxıllar kimi lifli qidalara üstünlük verərək həzmi yavaşlatmaq və insulinin stabil qalmasına kömək etmək vacibdir.

Hər gün azı otuz dəqiqə fiziki aktivlik göstərmək hüceyrələrin insulinə olan həssaslığını bərpa edir, keyfiyyətli yuxu rejiminə diqqət etmək isə stress hormonlarını artıraraq bədənin piy yığmasını stimullaşdırmağın qarşısını alır.

Həyat tərzində edilən bu dəyişikliklər, vaxtında aparılan endokrinoloji müayinə və doğru qidalanma planı sayəsində diabet riskini tamamilə sıfırlamaq mümkündür.