13 yaşından əvvəl smartfon sahibi olmaq gənclərdə psixi sağlamlıq problemlərinin yaranma riskini kəskin şəkildə artırır.

Aztibb.az xəbər verir ki, bu qənaətə “Journal of Human Development and Capabilities” jurnalında dərc olunmuş genişmiqyaslı elmi tədqiqatın müəllifləri gəliblər.

2025-ci ildə həyata keçirilən araşdırma çərçivəsində 100 mindən çox gəncin məlumatları təhlil olunub. Mütəxəssislər uşaq yaşlarında fərdi smartfon sahibi olmaqla psixoloji rifah arasındakı qarşılıqlı əlaqəni nəzərdən keçiriblər.

Təhlillər göstərib ki, texnologiya ilə erkən tanışlıq yeniyetməlik dövründə emosional sabitliyin pozulması və müxtəlif psixoloji narahatlıqların yaranması riskini əhəmiyyətli dərəcədə yüksəldir.

Tədqiqatçılar vurğulayırlar ki, uşaqların rəqəmsal cihazlarla tanışlıq yaşının tənzimlənməsi onların psixi sağlamlığının qorunmasında həlledici rol oynayır. Mütəxəssislər valideynləri və təhsil mütəxəssislərini uşaqlara müstəqil smartfon verilməsi müddətini imkan daxilində təxirə salmağa çağırırlar.