2020-ci il oktyabrın 24-də Vətən müharibəsində qəhrəmancasına şəhid olmuş Solntsev Dmitriy Aleksandroviçin II Fəxri xiyabanda yerləşən məzarı ziyarət olunub. Şəhidin məzarı üzərinə əklil qoyulub, ruhuna dualar oxunub.

Aztibb.az-ın xəbərinə görə, anım mərasimində Kliniki Tibbi Mərkəzin direktoru Musa Abbasov, inzibati məsələlər üzrə direktor müavini Bəhruz Bağırov, Həmkarlar Təşkilatının sədri Arifə Məmmədova, şöbə müdirləri, həmçinin Bakı şəhəri Nəsimi Rayon İcra Hakimiyyətinin və YAP Nəsimi rayon təşkilatının nümayəndə heyəti, Azərbaycan Səhiyyə İşçiləri Həmkarlar İttifaqı Respublika Komitəsi (ASİHİ RK) sədrinin müşaviri Şöhrət Qədimov iştirak ediblər.

Mərasim iştirakçıları şəhidin yaxınlarına başsağlığı verib, onunla bağlı xatirələrini bölüşüblər.

Qeyd edək ki, Dmitriy Solntsev Kliniki Tibbi Mərkəzin əməkdaşı olub və Vətən müharibəsinə könüllü qatılaraq Qubadlı döyüşləri zamanı qəhrəmancasına şəhid olub.