Aztibb.az-ın “Həkimlərimizi tanıyaq!" rubrikasında Gəncə Şəhər Birləşmiş Xəstəxanasının nəzdində olan Uşaq xəstəxanasının Pediatriya şöbəsinin müdiri, həkim-pediatr Vüsal Kazımov haqqında məlumatları təqdim edirik.

Kazımov Vüsal Allahverdi oğlu 10 aprel 1988-ci ildə Kəlbəcər rayonunda anadan olub. 2005-2011-ci illərdə Azərbaycan Tibb Universitetinin Pediatriya fakültəsində təhsil alıb. 2011-2012-ci illərdə internatura təhsili alan Vüsal Kazımov 2018-ci ildən Uşaq xəstəxanasında həkim-pediatr kimi fəaliyyət göstərməyə başlayıb. 2022-ci ildə həmin xəstəxananın Pediatriya şöbəsinin müdiri vəzifəsinə təyin olunub.

Hazırda fəaliyyətini Uşaq xəstəxanasında davam etdirən Vüsal Kazımov bir sıra yerli və beynəlxalq elmi-praktik konfransların fəal iştirakçısıdır.