Elmi araşdırmalar göstərir ki, bəzi insanlar nadir genetik variantlar sayəsində əksər insanlarla müqayisədə daha az yuxuya ehtiyac duyurlar. Onlar təbii az yatanlar adlandırılır və daha qısa müddət yatmaqla da kifayət qədər dincələ bilirlər.

Aztibb.az "Biouniqum" nəşrinə istinadən yazır ki, bu, hər kəsin gündə cəmi 5 saat yataraq sağlamlığına zərər vermədən yaşaya biləcəyi demək deyil. Əksər yetkin insanlara gecə ərzində 7–9 saat yatmaq tövsiyə olunur.

Yuxunun davamlı olaraq kifayət etməməsi yaddaşa, diqqəti cəmləmək qabiliyyətinə və ümumi sağlamlığa mənfi təsir göstərir.

Beləliklə, az yuxu ilə özünü gümrah hiss etmək hər zaman orqanizmin kifayət qədər dincəldiyi anlamına gəlmir. Yuxuya olan fərdi ehtiyac insandan insana dəyişsə də, əksər insanlar üçün kifayət qədər yatmaq sağlamlığın qorunmasının vacib şərtidir.