Aztibb.az-a Mingəçevir ŞMX-dan verilən xəbərə görə, tədbirdə xəstəxananın direktoru Ülfət Qurbanov müəssisənin KİV və İctimaiyyətlə Əlaqələr bölməsinin əməkdaşlarını Azərbaycan milli mətbuatının yaranmasının 150 illiyi münasibətilə təbrik edərək, onların fəaliyyətini yüksək qiymətləndirib. Qeyd olunub ki, sağlamlıq sahəsində maarifləndirici və operativ məlumatların ictimaiyyətə çatdırılmasında ictimaiyyətlə əlaqələr üzrə mütəxəssislərinin rolu böyükdür.

 

Daha sonra KİV və İctimaiyyətlə Əlaqələr bölməsinin mütəxəssisi Rza Nəsirov çıxış edərək bölmənin fəaliyyəti, həyata keçirilən informasiya siyasəti və ictimaiyyətlə əlaqələrin qurulması istiqamətində görülən işlər barədə məlumat verib.

 

O, çıxışında vurğulayıb ki, tibb müəssisısinin kollektivi ilə birgə səmərəli əməkdaşlıq nəticəsində TƏBİB tərəfindən aparılan qiymətləndirmələr zamanı Mingəçevir Şəhər Mərkəzi Xəstəxanası bir çox hallarda yüksək nəticələr göstərərək ön sıralarda qərarlaşıb. Bu nailiyyətlərin dəyərli kollektivin birgə əməyi və fədakar xidmətinin nəticəsi olduğunu vurğulayan Rza Nəsirov bütün əməkdaşlara təşəkkürünü bildirib.