Azərbaycan Tibb Tələbələrinin I Nefrologiya Forumu keçirilib
01.04.2024 14:31
TƏBİB tabeliyində fəaliyyət göstərən Yeni Klinikada Azərbaycan Tibb Tələbələrinin I Nefrologiya Forumu baş tutub.
Klinikadan Aztibb.az-a verilən xəbərə görə, forumun əsas məqsədi ölkə daxilində və xaricində tibb təhsili alan gəncləri bir araya gətirərək onları Azərbaycan Respublikasının Prezidentinin həyata keçirdiyi islahatlar sayəsində hər gün daha da inkişaf edən Azərbaycan səhiyyəsi, yaradılan şərait və mövcud perspektivlərlə tanış etmək olub.
Forumda Yeni Klinikanın direktoru Barat Yusubov Azərbaycanda gənclərin ölkə daxilində və xaricdə təhsil almalarının müsbət hal olduğunu deyib, təhsilli, dünyagörüşlü, yüksəkixtisaslı kadrların ölkənin inkişafı və uğurlu gələcəyində mühüm rol oynadığını bildirib. Qeyd edib ki, gənclər dövlət qayğısını daim öz üzərlərində hiss edərək, nailiyyətləri ilə onlara göstərilən qayğını doğrultmağa çalışırlar.
“Prezident İlham Əliyev deyib: "Mənim gənclərə xüsusi münasibətim var, mənim ürəyim sizinlədir. Siz bütün işlərdə mənə arxalana bilərsiniz. Mən də sizə arxalanıram". Bu yüksək münasibətə cavab olaraq Azərbaycanın parlaq gələcəyinin təminatçısı olan gənclər bütöv və müstəqil Azərbaycan naminə bütün güclərini toplamalı, Vətənin inkişafı üçün səylə çalışmalı, öz siyasətində onlara arxalanan ölkə başçısının etimadını həmişə doğrultmalı, hər an Ali Baş Komandanın verəcəyi əmrə müntəzir olmalıdırlar. Azərbaycanda gəncliyə dövlət qayğısı sabaha və uğurlara hesablanan bir siyasətdir, bu siyasət sağlam və intellektual nəslin formalaşmasına xidmət edir”, - deyə Barat Yusubov qeyd edib.
Direktor, həmçinin nefrologiya sahəsində öz təcrübələrini tələbələrlə bölüşərək “Nefrologiya nədir? Azərbaycanda nefrologiya” mövzusunda çıxış edib.
Bugünkü tədbirin gənclərlə bağlı layihələrin müzakirəsi, ideya mübadiləsinin aparılması baxımından mühüm platforma olduğunu qeyd edən Azərbaycan Tibb Universitetinin II Müalicə-profilaktika fakültəsinin dekanı dosent İsrail Məhərrəmbəyli xaricdə tibb sahəsində təhsil alan tələbələrə müraciət edərək, onların ideyaları üçün ölkədə bütün şəraitin yaradıldığını bildirib.
Daha sonra Elnur Fərəcov “Yaponiyada nefrologiya”, Cəbrayıl Cəbrayılov “Türkiyədə nefrologiya”, Kərəm Məmmədov isə “Azərbaycanda rezident-nefroloq olmaq” mövzularında çıxış edərək multidissiplinar yanaşmalar təqdim ediblər.
Forumun onlayn sessiyasında isə Türkiyədən Mehmet Taşdemir “Pediatrik nefrologiya”, Almaniyadan Vüqar Yaqublu və Zaur Quliyev “Almaniyada nefrologiya” haqqında çıxış ediblər.
Geniş müzakirə və sual-cavab sessiyası ilə yekunlaşan forumda iştirakçılara sertifikatlar təqdim olunub.
Sonda tələbələr forumun keçirilməsində yaradılan şərait və dəstəyə görə TƏBİB və Yeni Klinikaya təşəkkür ediblər. Tibb tələbələrinin növbəti forumunun Azərbaycanın mədəniyyət paytaxtı olan Şuşada keçirilməsi təklif edilib.
Bu bölməyə aid digər xəbərlər
Şizofreniyanın müalicəsində yeni imkanlar araşdırılıb
18.04.2024 | 14:20
Azərbaycan Tibb Tələbələrinin I Nefrologiya Forumu keçirilib
01.04.2024 | 14:31
Azərbaycan Tibb Universitetinin tədris proqramları beynəlxalq akkreditasiyadan uğurla keçib
05.02.2022 | 07:04
ATU-nun Tədris Terapevtik Klinikasında əyani təhsilin başlamasıyla əlaqədar toplantı keçirildi
17.02.2021 | 16:02
“Depressiyadan uzaqlaş, iradəyə yaxınlaş” mövzusunda təlim keçirilib
21.08.2020 | 23:22
ATU-da imtahanların nəticələri açıqlandı – 891 nəfər həkim diplomunu aldı
14.07.2020 | 13:22
ÇOX OXUNANLAR
Diyetoloq arıqlamaq üçün daha tez-tez gülməyi və əsnəməyi məsləhət görüb
29.04.2024 | 17:25
Suyun düzgün içilməsi ilə bağlı keçmişin məsləhətləri
29.04.2024 | 09:15
Sümük bulyonu arıqlamağa kömək edir
29.04.2024 | 08:26
TƏBİB Bakı Baş Səhiyyə Mərkəzinin tabeliyində olan tibb müəssisələri üzrə vakant yerlər elan edir
25.04.2024 | 10:32
Bakı Baş Səhiyyə Mərkəzinin tabeliyindəki tibb müəssisələrinə işçilər axtarılır
26.04.2024 | 10:59
Nahidə Mahmudova Dövlət Gömrük Komitəsi Tibbi Xidmət İdarəsinin Mərkəzi Hospitalının rəis müavini təyin olunub
24.04.2024 | 11:11
Dəmir çatışmazlığı ilə bağlı yaranan anemiya xəstəliyinin təbii yollarla müalicəsi
25.04.2024 | 09:51
Aynurə Əliyeva - Suraxanı Tibb Mərkəzinin psixoloqu
28.04.2024 | 17:01
Bundan sonra işə qəbul və sürücülük vəsiqəsi əldə etmək üçün tibbi arayışlar elektron olacaq
26.04.2024 | 11:59
Xankəndi şəhərindəki tibb müəssisəsində ilk körpə dünyaya gəlib
23.04.2024 | 17:28
ATU-da Ulu Öndərə həsr olunan konfrans keçirilib
24.04.2024 | 12:02
Səhiyyə Nazirliyi akademik Zərifə Əliyevanın 101 illiyi münasibətilə fleşmob təşkil edib
27.04.2024 | 14:38
Agentlik və TƏBİB ilkin səhiyyə xidmətinin təkmilləşdirilməsi ilə bağlı yeni layihəyə start verib
24.04.2024 | 10:31
8 yaşlı uşaq üzərində icbari tibbi sığorta ilə qaraciyər transplantasiyası əməliyyatı həyata keçirilib
27.04.2024 | 10:35
Həyata keçirdiyi hər bir proseduru dəqiqliyi ilə yoxlayan həkim - Məlahət Əzizova
28.04.2024 | 10:09