Şirvan Şəhər Mərkəzi Xəstəxanasında 15 iyun - Milli Qurtuluş Günü ilə əlaqədar olaraq tədbir keçirilib.

 

Bu barədə Aztibb.az-a Xəstəxanadan məlumat verilib.

 

Tədbirdə çıxış edən Şirvan ŞMX-nın direktru Kamil Əhmədov qeyd edib ki, Azərbaycan xalqı iqtisadi böhrandan zəngin idarəçilik təcrübəsinə malik, nüfuzlu dövlət xadimi Heydər Əliyevin müdrik, uzaqgörən siyasəti nəticəsində xilas olub. O, əsası H.Əliyev tərəfindən qoyulmuş Azərbaycan dövlətinin tərəqqisi və qüdrətlənməsi, iqtisadi uğurların qazanılması, ölkəmizin dünya dövlətləri sırasında layiqli yer tutması istiqamətində əzmlə çalışan Prezident İlham Əliyevin rəhbərliyi altında xalqımızın sabaha böyük inamla irəlilədiyini söyləyib.

 

Sonra çıxış edən ASM-in şöbə müdiri Mətanət Səfərova bildirib ki, Azərbaycanın dövlət müstəqillyinin etibarlı əsasları H.Əliyevin rəhbərliyi altında onun qətiyyətli siyasəti və dövlətçilik təcrübəsi nəticəsində yaradılmışdır. Ulu Öndərin xalq və tarix qarşısında ən böyük xidməti budur ki, o, Azərbaycan dövlətçiliyini qorudu, ölkəni parçalanıb yox olmaq təhlükəsindən xilas etdi, Azərbaycan xalqının azad yaşamaq hüququnu təmin etdi.

 

Diqqətə çatdırılıb ki, Azərbaycanda son illər bütün sahələrdə olduğu kimi, elmin, səhiyyənin inkişafı sahələrində də yüksək nailiyyətlər əldə olunub.