Son 50 ildə iqlimə qlobal təsir edən külli miqdarda karbon qazı və digər parnik qazları havaya buraxılıb. Karbon qazının atmosferdəki miqdarı “sənaye inqilabı” ndan əvvəlki səviyyəsindən 30%-dən çox artıb ki, bu da çox isti havanın atmosferin aşağı təbəqələrində saxlanılmasına gətirib çıxarır. Nəticədə baş verən iqlimin qlobal dəyişməsi sağlamlıq üçün yüksək hərarətdən ölüm, infeksion xəstəliklərin modellərinin dəyişməsi və s. təhlükələr törədir.

Aztibb.az xəbər verir ki, havanın qısa müddətli intensiv dəyişməsi ürək və respirator (nəfəs yolları) xəstəliklərdən ölüm hallarını artıra bilən istilik stressini (hipertermiya), ya da həddindən artıq soyumanı (hipotermiya) yaradaraq, sağlamlığa ciddi təsir göstərə bilir. Aparılan tədqiqatlar göstərdi ki, 2003-cü ildən başlayaraq, yay aylarında ən yüksək hərarətlər ölüm hallarının kəskin artmasına səbəb olub. Həmin tarixdən etibarən qeydə alınan ölüm halları, hesablamalara görə, ötən illərin eyni dövrü ilə müqayisədə iki dəfədən çox olub.

Hərarətin qlobal yüksəlməsi antropogen və təbii mənşəli bərk zərrəciklərin havada olan səviyyəsinə və bu da mövsümi infeksiyon xəstəliklərin modellərinin dəyişməsinə, astmanın infeksiyadan asılı növün yayılmasına təsir göstərir.  İqlimin dəyişməsinin qarşısını almaq və nəticələrinə hazır olmaq üçün təcili tədbirlər görülməzsə, yaxın 10 ildə astmadan ölüm hallarının təxminən 20%-dən çox artacağı gözlənilir.

Qlobal istiləşmənin digər nəticəsi olaraq, dəniz səviyyəsinin artması sahilboyu regionların su altında qalması təhlükəsini artırır ki, bu da əhalinin miqrasiyası ilə nəticələnə bilər. Hazırda dünya əhalisinin 60%-dan çoxu sahil xəttininin 60 km məsafə dairəsində yaşayır. Daşqınlar bilavasitə travma və ölümlə nəticələnir. Eyni zamanda su vasitəsi ilə keçən xəstəliklərə və transmissiv xəstəliklərə yoluxma riski artır. Əhalinin miqrasiyası isə gərginliyi və münaqişələrin potensial riskini artırır.