Laçın Rayon Mərkəzi Xəstəxanasında Poliklinika şöbəsinin həkim-endokrinoloqu Günay Yusiflinin iştirakı ilə tibb işçiləri üçün “Hiperqlikemik və hipoqlikemik komalar zamanı yardım” mövzusunda təlim keçirilib.

Laçın RMX-dan Aztibb.az-a verilən xəbərə görə, təlim zamanı hiperqlikemik və hipoqlikemik komaların yaranma səbəbləri, əsas klinik əlamətləri, vəziyyətin düzgün qiymətləndirilməsindən bəhs edilib. Eləcə də, təxirəsalınmaz ilk tibbi yardım tədbirləri, müvafiq müalicə yanaşmaları, ağırlaşmaların qarşısının alınması və pasiyentlərin vaxtında ixtisaslaşmış tibbi yardıma yönləndirilməsi qaydaları barədə ətraflı məlumat verilib.