Şirvan Şəhər Mərkəzi Xəstəxanasında həkim-travmatoloq Şəmsi Əhmədov tərəfindən mürəkkəb travmatoloji əməliyyat uğurla həyata keçirilib.

Xəstəxanadan Aztibb.az-a bildirilib ki, Salyan rayon sakini, 2015-ci il təvəllüdlü pasiyentə sağ bud sümüyünün yuxarı 1/3 hissəsinin, sağ bazu sümüyünün yuxarı və orta 1/3 hissələrinin, eləcə də sağ baldır sümüyünün orta 1/3 hissəsinin qapalı, qəlpəli və yerdəyişən sınığı diaqnozu qoyulub.

Qısa müddətli əməliyyatönü hazırlıqdan sonra pasiyent üzərində: sağ bud sümüyünün açıq üsulla repozisiyası və internal fiksasiyası; sağ qamış sümüyünün qapalı üsulla repozisiyası və internal fiksasiyası;sağ bazu sümüyünün qapalı üsulla repozisiyası və internal fiksasiyası əməliyyatları icra olunub.