04.08.2026-cı il tarixində 1 nəfər (kişi) klinik ölüm həddində, komatoz vəziyyətdə Qazax Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

Xəstəxanadan Aztibb.az-a bildirilib ki, 1991-ci il təvəllüdlü şəxsə bədənin müxtəlif nahiyələrinin kəsilmiş, deşilmiş yaraları diaqnozu təyin olunub və zəruri ilkin tibbi xidmətlər göstərilib.

Həmin tarixdə pasiyent üzərində sol torakotomiya, perikardiotomiya, ürəyin sol mədəciyinin ilkin cərrahi tikişi və diaqnostik laparotomiya əməliyyatları icra edilib.

Həkim-cərrahlar Vasif Məmmədov, İlham Mustafayev, Arif Əfəndiyev və həkim-anestezioloqlar İqbal Namazov, Gülər Vəkilovadan ibarət briqada tərəfindən icra edilən əməliyyat uğurla başa çatıb.

14.08.2026-cı il tarixindən etibarən müalicəsi Cərrahiyyə şöbəsində davam etdirilib. Müalicə prosesini uğurla başa vuran və vəziyyəti qənaətbəxş qiymətləndirilən şəxs 24.08.2026-cı il tarixində ambulator müalicə üçün evə buraxılıb.