Avstraliyada aparılan araşdırmaya görə, 2-ci tip diabetdən əziyyət çəkən insanlarda Altsheymer xəstəliyinə tutulma riski bu xəstəliyi olmayanlarla müqayisədə 53 faiz yüksəkdir.

Aztibb.az medicalxpress.com-a istinadla xəbər verir ki, Curtin Universitetinin tədqiqatçıları 40 elmi araşdırmanın sistematik icmalı və meta-analizini aparıblar. Müəyyən edilib ki, 2-ci tip diabetli hər 1000 nəfərdən orta hesabla 4,7-də bir il ərzində Altsheymer xəstəliyi inkişaf edir.

Tədqiqatın nəticələri “Alzheimer's Research & Therapy” jurnalında dərc olunub.