4–5 dekabr 2026-cı il tarixlərində Azərbaycan Tibb Universitetinin (ATU) təşkilatçılığı, Azərbaycan Respublikası Səhiyyə Nazirliyinin dəstəyi ilə görkəmli alim, tibb elmləri doktoru, professor, Əməkdar elm xadimi, “Şöhrət” ordeni laureatı Naziyə Şəmsədinskayanın anadan olmasının 100 illik yubileyinə həsr olunmuş “Mamalıq və Ginekologiyada Yeni Era” adlı beynəlxalq elmi-praktiki konfrans keçiriləcək.

ATU-dan Aztibb.az-a bildirilib ki, konfransın əsas məqsədi mamalıq və ginekologiya sahəsində müasir elmi nailiyyətlərin, innovativ diaqnostika və müalicə üsullarının, eləcə də klinik praktikada tətbiq olunan yeni yanaşmaların müzakirəsi, elmi təcrübə mübadiləsinin genişləndirilməsi və beynəlxalq əməkdaşlığın inkişaf etdirilməsidir.

Tədbir çərçivəsində sahə üzrə aktual elmi problemlər, müasir tibbi texnologiyalar, innovativ yanaşmalar və gələcək inkişaf perspektivləri ətrafında müzakirələrin aparılması nəzərdə tutulur.

Qeyd edək ki, konfrans Azərbaycan Respublikası Səhiyyə Nazirliyinin Elmi-Tibbi Şurası tərəfindən akkreditasiya olunacaq.

Məkan: Azərbaycan Tibb Universiteti

Qeydiyyat və ətraflı məlumat üçün:

055 799 26 29