Ümumdünya Diabetlə Mübarizə Günü ilə əlaqədar Z.Əliyeva adına Naxçıvan Şəhər Poliklinikası və Naxçıvan Şəhər İcra Hakimiyyətinin birgə təşkilatçılığı ilə maarifləndirici tədbir keçirilib.

 

Bu barədə Aztibb.az-a Naxçıvan MR Səhiyyə Nazirliyindən məlumat verilib.

 

Bildirilib ki, tədbirdə şəkərli diabet xəstəliyinin yaranma səbəbləri, risk faktorları, ilkin əlamətləri, erkən diaqnostikasının əhəmiyyəti və mümkün ağırlaşmaları barədə məlumat verilib. İştirakçıların diqqətinə sağlam qidalanma, fiziki aktivlik, bədən çəkisinə nəzarət və mütəmadi tibbi müayinələrin xəstəliyin profilaktikasında rolu çatdırılıb.

 

Şəkərli diabetin vaxtında aşkarlanması, düzgün müalicə və mütəmadi tibbi nəzarət xəstəliyin ağırlaşmalarının qarşısının alınmasında mühüm əhəmiyyət daşıyır.

Əhalinin sağlamlığının qorunması, xəstəliklərin erkən aşkarlanması və sağlam həyat tərzinin təşviqi istiqamətində maarifləndirmə işləri davam etdirilir