Respublika Neyrocərrahiyyə Xəstəxanasında “Servikal disk yırtıqları: müasir yanaşma prinsipləri və cərrahiyyəsi” mövzusunda təlim keçirilib.

Bu barədə Aztibb.az-a Respublika Neyrocərrahiyyə Xəstəxanasından məlumat verilib.

Bildirilib ki, təlim Spinal neyrocərrahiyyəsi şöbəsinin həkim-neyrocərrahı Nicat Muştaqov tərəfindən təşkil olunub.

Təlim çərçivəsində servikal disk yırtıqlarının yaranma səbəbləri, klinik əlamətləri, diaqnostika üsulları, müasir müalicə strategiyaları və cərrahi müdaxilə prinsipləri barədə ətraflı məlumat verilib.

Həmçinin müasir neyrocərrahiyyədə tətbiq olunan yanaşmalar, əməliyyat göstərişləri və müalicə nəticələrinin yaxşılaşdırılması istiqamətində təcrübə mübadiləsi aparılıb.

Tədbirin əsas məqsədi tibb mütəxəssislərinin peşəkar bilik və bacarıqlarının artırılması, müasir elmi-praktik yeniliklərin paylaşılması, eləcə də servikal disk yırtıqlarının müalicəsində effektiv və müasir yanaşmaların təşviq edilməsidir.