Nizami Tibb Mərkəzində 8 noyabr- Zəfər Gününün altıncı ildönümünə həsr olunmuş tədbir keçirilib.

 

Mərkəzdən Aztibb.az-a bildirilib ki, tədbir Ulu öndər Heydər Əliyevin və Azərbaycanın süverenliyi və ərazi bütövlüyünün qorunması uğrunda öz canlarından keçmiş şəhidlərin əziz xatirəsi bir dəqiqəlik sükutla və Azərbaycan Respublikasının dövlət Himninin səsləndirilməsi ilə başlayıb.

 

Tədbir çərçivəsində ilk olaraq mərkəzin direktoru tibb üzrə fəlsəfə doktoru Vəfa Hüseynzadə Ulu Öndərin dövlətçilik ideyaları, Ali Baş Komandan İlham Əliyevin qətiyyəti, strateji qərarları, beynəlxalq müstəvidə Azərbaycanın mövqeyini müdafiə etməsi və xalqı vahid məqsəd ətrafında birləşdirməsinin Zəfərin mühüm amillərindən biri olduğunu qeyd edib. Vətən uğrunda canından keçən şəhidlərimizin xatirəsini yaşatmaq və şəhid ailələrinəvə qazilərə qayğı göstərməyin hər kəsin mənəvi borcu oluğunu vurğulayıb.

 

Daha sonra Nizami Tibb Mərkəzinin Vətən müharibəsində iştirak edən əməkdaşı , Təcili Tibbi yardım şöbəsinin həkimi polkovnik Elşad Abbasov, şəhid Kazımlı Mürsəl Kamil oğlunun anası Aptek bölmə müdiri Lalə Əliyeva, şəhid polkovnik-leytenant Qərib Baxşəliyevin bacısı Neonotologiya şöbəsinin böyük tibb bacısı Sevinc Baxşəliyeva, Tibbi Sığortanın təşkili şöbəsinin müdiri Ramilə Qaralova , Təcili Tibbi yardım şöbəsinin müdiri Fərhad Zamanlı və Nizami Tibb Mərkəzində tibbi xidmət göstərilmiş Vətən müharibəsi qaziləri çıxış ediblər.

 

Tədbirin sonunda Vətən müharibəsində iştirak edən həkimlərə, eləcə də işinə məsuliyyəti və peşəkarlığı ilə seçilən həmkarlara NTM Həmkarlar İttifaqı Komitəsinin fəxri fərman və təltifnamələri verilib.