Bağırsaq polipləri uzun müddət heç bir əlamət vermədən inkişaf edə və bəzi hallarda zamanla yoğun bağırsaq xərçənginə çevrilə bilər.

Aztibb.az xəbər verir ki, qastroenteroloq-endoskopist Rəfael Həsənovun sözlərinə görə, məhz bu səbəbdən poliplərin erkən aşkarlanması və vaxtında aradan qaldırılması ciddi xəstəliklərin qarşısının alınmasında mühüm əhəmiyyət daşıyır.

Həkim bildirib ki, kolonoskopiya zamanı bağırsaq poliplərini erkən mərhələdə aşkar etmək və eyni prosedur çərçivəsində götürmək mümkündür. Onun sözlərinə görə, 45 yaşdan sonra, hətta heç bir şikayət olmasa belə, profilaktik kolonoskopiyanın aparılması tövsiyə olunur.

Rəfael Həsənov qeyd edib ki, ailəsində bağırsaq xərçəngi olan şəxslər isə daha erkən yaşda müayinədən keçməlidirlər.

“Erkən diaqnoz həyat qurtarır”, – deyə qastroenteroloq-endoskopist vurğulayıb.