Xaçmaz Rayon Mərkəzi Xəstəxanasının Uşaq şöbəsinə ağır vəziyyətdə hospitalizasiya olunan Daun sindromlu azyaşlıya həkimlər tərəfindən təxirəsalınmaz tibbi yardım göstərilib.

 

Aztibb.az xəbər verir ki, bu barədə TƏBİB məlumat yayıb.

 

Bildirilib ki, yüksək hərarət, qıcolmalar və ağır tənəffüs çatışmazlığı ilə müraciət edən balaca pasiyentin vəziyyəti intensiv müalicə və fasiləsiz tibbi müşahidə nəticəsində qısa müddətdə stabilləşib. Huşu bərpa olunub, qıcolmalar dayanıb və tənəffüsü normallaşıb.

 

Bir neçə gün davam edən müalicənin ardından azyaşlı tam stabilləşmiş vəziyyətdə ambulator müalicə üçün evə buraxılıb.

 

Həkimlərin çevik və peşəkar müdaxiləsi daha bir balaca pasiyentin sağlamlığına qovuşmasına imkan yaradıb.