Aztibb.az-a Sabirabad RMX-dan verilən məlumata görə, təlimin əsas məqsədi əməkdaşların pasiyentlərlə ünsiyyət bacarıqlarının təkmilləşdirilməsi, etik davranış prinsiplərinin gündəlik fəaliyyətdə düzgün tətbiqi və xidmət keyfiyyətinin artırılması olub.

 

Təlim zamanı pasiyentlərlə empatiya əsaslı və effektiv kommunikasiya, etik davranış prinsipləri, müraciətlərin düzgün və çevik yönləndirilməsi, eləcə də xidmət mədəniyyətinin inkişafı barədə ətraflı məlumat verilib.

 

Real situasiyalar əsasında müzakirələr aparılıb, iştirakçıların sualları cavablandırılıb və praktik tövsiyələr təqdim olunub.

 

Qeyd edilib ki, bu cür təlimlərin davamlı keçirilməsi vətəndaş məmnuniyyətinin artırılmasına və tibbi xidmətlərin keyfiyyətinin yüksəldilməsinə mühüm töhfə verir.