Şirvan Şəhər Mərkəzi Xəstəxanasına müraciət edən pasiyentə burun boşluğu polipi diaqnozu qoyulub. Pasiyent cərrahi əməliyyata hazırlıqdan sonra endoskopik polipektomiya əməliyyatına cəlb olunub.

 

Xəstəxanadan Aztibb.az-a verilən xəbərə görə, pasiyentin əsas şikayəti burundan nəfəs alma çətinliyi olub. Endoskopik rinoskopiya zamanı sol aşağı və orta burun balıqqulaqlarının arxa uclarından inkişaf edən bir neçə polip kütləsi aşkarlanıb.

 

Ümumi intubasion anesteziya altında, endoskopik görüntüləmə vasitəsilə polip kütlələri uğurla xaric edilib.

 

Əməliyyat Şirvan Şəhər Mərkəzi Xəstəxanasının həkim-otorinolarinqoloqu Rövşən Məhərrəmov tərəfindən uğurla həyata keçirilib.