Marfan sindromu birləşdirici toxumanın genetik xəstəliyidir.

Aztibb.az xəbər verir ki, bu barədə fleboloq-cərrah İsmayıl Əsgərov məlumat verib.

Cərrah bildirib ki, marfan sindromunda bədənin gövdə hissəsi qısa, ancaq qollar,  ayaqlar və barmaqlar uzun olur. Bundan başqa oynaqlar çox hərəkətli, əzələ zəifliyi və sair əlamətlər də müşahidə olunur.

"Marfan sindromu olan şəxslərdə aorta-ürək xəstəlikləri, görmə qüsurları inkişaf edə bilər. Marfan sindromu tam müalicə olunmur. Təəssüf ki, mutasiyaya uğramış geni dəyişmək mümkün deyil".

Həkim bu sindromun aortanın genişlənməsi və cırılması kimi qəfləti ölümlə nəticələnə biləcək bir fəsadının olduğunu da qeyd edib: "Müəyyən müalicə tədbirlərin köməyi ilə xəstəliyin simptomlarını azaltmaq, xəstənin həyatını uzatmaq mümkündür".