Rusiyada 2027-ci ildən tibb universitetlərinin tələbələrinin qapalı atom şəhərlərində fəaliyyət göstərən səhiyyə müəssisələrində işləməsini nəzərdə tutan yeni layihəyə start veriləcək.

Aztibb.az xəbər verir ki, layihə "Rosatom", Federal Tibbi-Bioloji Agentlik (FMBA), Rusiya Tələbə Dəstələri, Rosmolodyoj və Rusiyanın Səhiyyə Nazirliyinin birgə əməkdaşlığı ilə həyata keçiriləcək. Məqsəd qapalı inzibati-ərazi qurumlarında (ZATO) tibb işçisi çatışmazlığının aradan qaldırılmasıdır.

Proqram çərçivəsində tələbələrə tibb müəssisələrində iş yerləri təqdim olunacaq, təcrübə keçmələrinə dəstək göstəriləcək. Eyni zamanda onların gediş-gəliş, yaşayış və qidalanma xərcləri qarşılanacaq.

2026-cı ilin avqust-sentyabr aylarında layihənin yol xəritəsinin hazırlanması və 2027-ci il üçün kadr ehtiyacının müəyyənləşdirilməsi planlaşdırılır. Gələcəkdə proqramın digər ixtisas sahələrini də əhatə etməsi nəzərdə tutulur.