Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla xanım Əliyevanın təşəbbüsü ilə irəli sürülmüş aksiya çərçivəsində, ölkə üçün prioritet sahələrdən biri olan ana, qadın və uşaq sağlamlığının yaxşılaşdırılması məqsədilə Şəki Rayon Mərkəzi Xəstəxanası tərəfindən hərəkət məhdudiyyəti olan qız uşaqlarının evdə tibbi müayinələri həyata keçirilib.
Bu barədə Aztibb.az-a Şəki RMX-dan xəbər verilib.
Aksiyanın uğurla başa çatdırılmasında göstərdikləri peşəkarlıq və fəal iştiraklarına görə müayinələrdə iştirak edən həkimlər Şəki Rayon Mərkəzi Xəstəxanasının direktor vəzifəsini müvəqqəti icra edən Şəlalə Bayramova tərəfindən təşəkkürnamə ilə təltif olunublar.
Şəki Rayon Mərkəzi Xəstəxanası tərəfindən əhalinin, xüsusilə uşaqların sağlamlığının qorunması və tibbi xidmətlərin əlçatanlığının artırılması istiqamətində tədbirlər davam etdirilir.
