Vətəndaşlar artıq TƏBİB-in tabeliyində fəaliyyət göstərən tibb müəssisələrində həkim qəbuluna növbə almaq üçün xəstəxanaya getmədən, "mygov" platforması vasitəsilə onlayn müraciət edə bilərlər.
Aztibb.az xəbər verir ki, xidmət istifadəçilərə özlərinə uyğun tarix və saatı seçərək həkim qəbulunu əvvəlcədən planlaşdırmaq imkanı yaradır. Onlayn növbə almaq üçün istifadəçilər mygov platformasına daxil olaraq "Xidmətlər" bölməsindəki "Sağlamlıq" kateqoriyasından "Tibbi xidmət almaq üçün növbə" xidmətini seçməli, daha sonra tibb müəssisəsini, həkimin ixtisasını, qəbul tarixini və saatını müəyyən edərək növbəni təsdiqləməlidirlər.
Vətəndaşlara həkim qəbulunu əvvəlcədən planlaşdırmaq və onlayn növbə imkanından yararlanmaq tövsiyə olunur.