Həkimin sözlərinə görə, pandemiyanın əvvəllərində bu xəstəlik yaşlı və yanaşı xəstəlikləri olan insanlarda ağır keçirdisə, sonrakı dövrlərdə yayılma faktları cavanlarda da artdı, hətta ağır nəticələrin də şahidi olduq. Mütəxəssislər bu təhlükəli virusa yoluxan xəstələr arasında bu xəstəliyi qadınların, hamilələrin, uşaqların daha yüngül keçirməsini müəyyən ediblər. Həkimlər bunu genetika ilə, bəzən də hormonlarla əlaqələndirirlər. Xəstəliyin ağırlıq dərəcələri yoluxmuş insanların immun sistemlərinin möhkəmliyindən, yanaşı xəstəliklərinin olub-olmamasından asılıdır.