Hindistanda "Chandipura" virusunun səbəb olduğu beyin iltihabı nəticəsində 22 uşağın həyatını itirməsindən sonra hökumət milli müdaxilə qrupunu səfərbər edib.

Aztibb.az "Haber Türk"ə istinadən yazır ki dövlətin Səhiyyə Nazirliyi 22 uşağın ölümünə səbəb olan "Chandipura" virusu ilə bağlı açıqlama yayıb.

Açıqlamada bildirilib ki, virusla mübarizədə yerli səhiyyə xidmətlərinə dəstək göstərmək məqsədilə Gujarat və Rajasthan ştatlarına milli müdaxilə qrupu göndərilib.

Ümumdünya Səhiyyə Təşkilatının (ÜST) məlumatına görə, "Chandipura" virusu əsasən musson mövsümündə qum milçəkləri, ağcaqanadlar və gənələr vasitəsilə yayılır.

Virusa yoluxan şəxslərdə beyin iltihabına (ensefalitə) səbəb olan bu infeksiya ağır hallarda ölümlə nəticələnə bilər.