Braziliyada son sutka ərzində daha 27 756 nəfərin koronavirus infeksiyasına yoluxması, 559 nəfərin isə bu virusdan ölməsi təsdiqlənib.
İndiyədək Braziliyada koronavirusa ümumilikdə 9 204 731 nəfər yoluxub. Bu müddət ərzində 224 504 koronaviruslu xəstə dünyasını dəyişib.
Həmçinin bu günədək 8 027 042 xəstə müalicə olunaraq sağalıb.
ABŞ-da ötən gün COVID-19-a 135.252 yeni yoluxma halı qeydə alınıb, xəstəlikdən 2640 ölüm halı baş verib.
Beləliklə, pandemiya başlanandan bəri ABŞ-da koronavirusa yoluxanların ümumi sayı 26.147.162 nəfər təşkil edir. Bu müddət ərzində 440.843 nəfər xəstəliyin qurbanına çevrilib.
Türkiyədə 136 min 418 nəfər koronavirus testindən keçirilib. Onlardan 6 min 562 nəfərdə infeksiya aşkarlanıb, 641 şəxs xəstəxanalara yerləşdirilib.
Sutka ərzində 7 min 6 nəfər sağalıb, 128 nəfər ölüb. İndiyədək ölkə üzrə 2 milyon 477 min 463 nəfərdə infeksiya aşkarlanıb, 25 min 993 nəfər vəfat edib.
Rusiyada son bir gündə daha 17 648 nəfərə COVID-19 diaqnozu qoyulub.
Ölkədə koronavirusa yoluxanların sayı 3 868 087 nəfərə çatıb. Ölkədə virusdan ölənlərin sayı isə daha 437 nəfər artaraq 72 619-a yüksəlib.
Bundan başqa, Rusiyada indiyədək koronavirusa yoluxan 3 318 173 nəfər sağalıb.
Ukraynada ötən gün ərzində 2030 nəfər COVID-19-a yoluxub, 61 nəfər həyatını itirib.
Yanvarın 31-nə olan vəziyyətə görə, Ukraynada 1 milyon 221 min 485 yoluxma faktı təsdiqlənib. Xəstələnənlərdən 1 milyon 23 min 915 nəfər müalicə olunaraq sağalıb. Pandemiya dövründə koronavirusdan ölənlərin sayı 22 min 924 nəfərdir.
Gürcüstanda son sutka ərzində yeni COVID-19-a 240 yoluxma halı qeydə alınıb, 16 nəfər ölüb.
Bununla da qonşu ölkədə koronavirusa yoluxanların sayı 258 351, ölənlərin sayı isə 3 194 nəfərə çatıb. Koronavirusa yoluxanlardan 249 709 nəfərin sağaldığı bildirilir.
Ermənistanda son sutkada 62 nəfərin COVID-19-a yoluxduğu qeydə alınıb və virusa yoluxanların sayı 167 088-ya çatıb.
Ölkədə pandemiyadan ölənlərin sayı daha 4 nəfər artaraq 3 084-ə yüksəlib.
COVID-19 diaqnozu qoyulmuş, ancaq başqa səbəbdən ölənlərin sayı isə 769 nəfərdir. İndiyədək 157 800 pasiyent infeksiyadan sağalıb.