Çexiyanın baş naziri Andrey Babiş bildirib ki, apreldə Praqa yaxınlığındakı “Novavax” (ABŞ) əczaçılıq şirkətinin zavodunda koronavirusa qarşı vaksinin istehsalı başlanacaq.

Aztibb.az bu barədə TASS-a istinadən xəbər verir.

Məlumata görə, vaksin dünya bazarına da çıxarılacaq.

Bildirilir ki, reparat hazırda Böyük Britaniyada sınaqdan keçirilir. Onun effektivliyi təxminən 90% təşkil edir. “Novavax” bu il təxminən vaksinin 1 milyard dozasını istehsal etməyi planlaşdırır. Bu sayın əhəmiyyətli hissəsi Çexiyada istehsal edilməlidir.

A.Babiş, həmçinin qeyd edib ki, dekabrın 27-də kütləvi peyvəndə başlayan Çexiya vaksinin 372 765 dozasını alıb. Ölkəyə Amerikanın “Pfizer” şirkətinin və onun alman partnyoru olan “BioNTech”in, eləcə də Amerikanın digər şirkəti “Moderna”nın istehsalı olan vaksinlər gətirilir.

"Çexiya cari ilin birinci rübündə koronavirusa qarşı vaksinin 1,7 milyon dozasını almalıdır. İkinci rübdə respublika daha 8,4 milyon doza gözləyir", - deyə baş nazir bildirib.