ABŞ-da koronavirusa yoluxma hallarının sayı 26 milyonu keçib.

Ölkədə 26 012 880 nəfər təhlükəli infeksiyaya yoluxub, 438 239 insan virusdan ölüb.

Yanvarın 24-də ABŞ-da koronavirusa yoluxanların sayı 25 milyona çatıb. Birləşmiş Ştatlar dünyada koronavirusa yoluxma və ölüm hallarının sayına görə birinci yerdədir.

Almaniyada son bir gündə 11 mindən çox koronavirusa yeni yoluxma halı və 400-ə yaxın ölüm faktı qeydə alınıb.

Ölkədə son 24 saat ərzində COVID-19 xəstələri arasında 399 ölüm halı qeydə alınıb, 11 192 nəfər isə yeni növ virusa yoluxub.

Almaniyada pandemiyanın başlanğıcından bəri ümumilikdə 2 216 363 yoluxma halı və 56 945 ölüm faktı təsbit edilib. 1,9 milyondan çox insan sağalıb.

Türkiyədə son sutka ərzində koronavirusa 6 871 nəfər yoluxub, 129 nəfər isə həyatını itirib.

Bu gün COVID-19-dan sağalan xəstələr 7 100, ağır xəstələr isə 1 692 nəfər olub.

Qeyd edək ki, Türkiyədə indiyədək 2 470 901 nəfər koronaviruslu xəstə qeydə alınıb, onlardan 2 355 409 nəfər sağalıb, 25 865 nəfər isə həyatını itirib.