Liverpul və Kil universitetlərinin alimləri müəyyən ediblər ki, antikoaqulyant heparin SARS-Cov2 virusunun insan hüceyrələrinə birləşmə və onları yoluxdurma qabiliyyətini azaldaraq virusun zülalını məhv edir.

Aztibb.az meddaily.ru-ya istinadən xəbər verir ki, heparin koronavirusun səthindəki zülalın strukturununun stabilliyini pozur və onun insanın hüceyrələrində ACE2 reseptoru ilə birləşməsinə mane olur. Kvinslend Universitetinin əməkdaşları tərəfindən aparılmış molekulyar modelləşdirmə heparinin zülalın səthinə necə yapışdığını göstərib. Bu faktı canlı virus üzərində aparılan sınaqlar da təsdiq edib.

Alimlər bildirir ki, aşağı molekulyar ağırlıqlı heparinlərdən fərqli olaraq, fraksiya olunmamış heparinlərin hazırda qanın durulaşdırılması üçün kliniki təcrübədə istifadə olunan analoji dərmanların tətbiq olunduğu dozada istifadəsi yoluxmanı aradan qaldırmaq imkanına malikdir.

Həmçinin güman olunur ki, fraksiya olunmamış heparinlə nəfəs almaq çox güclü antivirus effekti verir.