Fevral ayının 1-dən vaksinasiyaya cəlb olunacaq 65 yaşdan yuxarı şəxslərin siyahısı hazırlanır.

Aztibb.az xəbər verir ki, bunu 1 saylı Şəhər Poliklinikasının baş həkimi Kubra Cabbarova deyib.

Onun sözlərinə görə, yaxın günlərdə həmin şəxslərə sahə həkimi tərəfindən zənglər olunacaq:

“Könüllü halda poliklinikaya gələcək şəxslərin özləri ilə tibbi kartlarını gətirmək xahiş olunacaq. Onlar vaksinasiya olunmadan əvvəl həkim müayinəsindən keçəcəklər. Belə ki, yaşları 65-dən yuxarı olan insanlarda xroniki xəstəlik ola bilər və qış ayları olduğu üçün sərtləşmə qeydə alına bilər. Ona görə həkim rəyi olmadan onlara vaksin vurulmayacaq, sahə həkimi icazə verəndən sonra vaksinasiya olunacaq”.

Baş həkim əlavə edib ki, sahə həkimləri xroniki xəstə olan vətəndaşları şəxsən tanıyırlar.