Böyük Britaniyada yeni peyvənd “Novavaksın”in COVID-19-a qarşı 89 faiz təsirli olduğu açıqlanıb.

Aparılan geniş araşdırmalar nəticəsində “Novavaks” peyvəndinin Krallıqda ortaya çıxan virusun yeni növünə qarşı təsirli olduğu sübut olunub. Bu virusun yeni növünə qarşı təsirli olan ilk peyvənddir.

Böyük Britaniya bu peyvənddən 60 milyon doza sifariş edib.

Peyvənd Britaniyanın Dərman və Sağlamlıq Məhsulları Tənzimləmə Təşkilatı tərəfindən təsdiqlənərsə bu ilin ikinci yarısından istifadəsinə başlanılacaq.

Böyük Britaniyanın Peyvənd Komitəsinin sədri Kliv Diks “Novavaksın”in nəticələrinin möhtəşəm olduğunu söyləyib.