İtaliyada koronavirus infeksiyasına yeni 14 372 yoluxma faktı qeydə alınıb.

Bu barədə “La Republicca” ölkənin Səhiyyə Nazirliyinə istinadən xəbər verir.

Qeyd olunub ki, ötən gün COVID-19 üçün götürülən analiz nümunələri müsbət çıxmış 492 nəfər vəfat edib.

Bildirilib ki, ölkədə ümumilikdə 2 515 507 nəfərin koronavirus infeksiyasına yoluxması faktı müəyyən edilib, onlardan 87 381-i vəfat edib.

Braziliyada son 24 saat ərzində daha 61 811 nəfərin koronavirus infeksiyasına yoluxması təsdiq edilib.

İndiyədək Braziliyada yeni növ koronavirus infeksiyasına ümumilikdə 9 058 687 nəfər yoluxub.

Bu müddət ərzində 221 547 koronaviruslu xəstə dünyasını dəyişib, son sutkada isə bu rəqəm 1 386 nəfər olub.

Bundan başqa, 7 923 794 xəstə müalicə olunaraq sağalıb, 913 346 pasiyent isə həkim nəzarəti altındadır.

Rusiyada son bir gündə daha 19 238 nəfərə COVID-19 diaqnozu qoyulub.

Bununla da Rusiyada koronavirusa yoluxanların sayı 3 813 048 nəfərə çatıb. Ölkədə virusdan ölənlərin sayı isə daha 534 nəfər artaraq 72 185-ə yüksəlib.

İranda ötən sutka ərzində 71 nəfər koronavirusdan ölüb. Bununla da ölkədə bu virusdan ölənlərin sayı 57 807 nəfərə yüksəlib.

İranda ötən 24 saat ərzində 6 573 nəfər koronavirusa yoluxub. Beləliklə, İranda bu virusa yoluxanların sayı 1 405 414 nəfərə çatıb. Virus daşıyıcılarından 3 990 nəfərin vəziyyəti ağır qiymətləndirilir.