Böyük Britaniyada karantin müddəti mart ayına qədər uzadılıb.

Aztibb.az xəbər verir ki, Baş nazir Boris Conson fevralda bitməsi düşünülən karantin müddətinin uzadılacağını açıqlayıb.

O bildirib ki, virusa yoluxmada və ölüm saylarında azalma müşahidə edilmədiyi üçün müddətin uzadılmasına qərar verilib. B.Conson məktəblərin ən tez martın 8-dən sonra açılacağını bildirib.

Qeyd edək ki, Krallıqda Milad bayramından sonra bütün məktəblər, ticarət mərkəzləri, vacib olmayan mağazalar və idman mərkəzləri bağlanıb.