Ağsu rayonunda tibb işçilərinin koronavirus infeksiyasına qarşı peyvəndləmə prosesi yekunlaşmaq üzrədir.

Aztibb.az xəbər verir ki, bu barədə Ağsu rayon Mərkəzi Xəstəxanasının direktoru Əli Hüseynov deyib. Direktor bildirib ki, artıq 305 tibb işçisi peyvənd olunub: "Ümumilikdə, rayon üzrə 450 nəfər tibb işçisi peyvənd olunmalıdır. 94 tibb işçisi isə koronavirus infeksiyasına yoluxduğu üçün onlar peyvənd olunmayacaq".

Ə.Hüseynov bildirib ki, tibb işçiləri özləri könüllü olaraq peyvənd olunmaq üçün müraciət edirlər: "Müraciətlərə baxılır, yoxlanılır, əgər əks təsir yoxdursa, onların peyvəndlənməsinə şərait yaradılır".

Direktor qeyd edib ki, xəstəxanada peyvəndlənmə prosesinin həyata keçirilməsi üçün bütün şərait yaradılıb.