Fransada son sutkada COVID-19-a 22 min 086 yeni yoluxma və 612 ölüm faktı qeydə alınıb.
Xəstəxanalardakı koronavirus xəstələrinin sayı 27 min 5-ə çatıb. Reanimasiya şöbələrində ağır vəziyyətdə olan 3071 koronavirus xəstəsi intensiv müalicə alır.
Pandemiya başlayandan bəri Fransada bu virusdan ölənlərin ümumi sayı 74 min 106 nəfərdir.
Böyük Britaniyada son sutka ərzində 1631 nəfər koronavirusdan həyatını itirib. Bununla da Britaniyada koronavirusdan ölənlərin ümumi sayı 100 162 nəfərə çatıb.
Ötən gün ərzində 20 089 nəfər koronavirusa yoluxub. Hazırda koronavirusa yoluxanların ümumi sayı 3 689 746 nəfərdir.
Türkiyədə COVID-19-dan sutka ərzində 134 nəfər ölüb.
Son 24 saatda simptomları da müəyyən edilməyən xəstələrlə birlikdə daha 7 103 nəfər COVID-19 infeksiyasına yoluxub.
Bu gün yeni növ koronavirusdan sağalan xəstələr 8 108, ağır xəstələr isə 1791 nəfər olub.
Rusiyada son sutka ərzində daha 17 741 nəfər COVID-19-a yoluxub.
Ölkədə bu infeksiyaya yoluxanların sayı 3 774 672 nəfərə çatıb.
Son sutka ərzində 594 nəfərin koronavirusdan öldüyü bildirilib. Ümumilikdə koronavirusdan ölənlərin sayı 71 076 nəfərə çatıb.
Rumıniyada koronavirusa yoluxanların sayı 715 min 438 nəfərə çatıb.
Son 24 saat ərzində 2877 yeni yoluxma hadisəsi qeydə alınıb. Koronavirusdan ölənlərin sayı 17 min 938 nəfərdir, 658 min 595 nəfər sağalıb.
Gürcüstanda ötən sutkada koronavirusa 742 yeni yoluxma halı təsdiqlənib, 1 081 nəfər müalicə olunaraq sağalıb, 12 pasiyent isə vəfat edib.
Qonşu ölkədə COVID-19-a yoluxanların ümumi sayı 255 564 nəfər təşkil edir. Onların 245 527-si sağalıb, 3 108-i isə ölüb.
Ermənistanda son sutkada 195 nəfərin COVID-19-a yoluxduğu qeydə alınıb.
Bununla da Ermənistanda virusa yoluxanların sayı 166 427-yə çatıb.
Ölkədə pandemiyadan ölənlərin sayı daha 4 nəfər artaraq 3 056-ya yüksəlib.