Cənubi Koreya hökuməti sentyabradək ölkə əhalisinin 70 faizini COVID-19 virusuna qarşı peyvənd etməyi planlaşdırır.

Aztibb.az xəbər verir ki, bu barədə Cənubi Koreyanın xəstəliklərə nəzarət və profilaktika mərkəzi açıqlama yayıb. Bildirilir ki, ölkədə yeni növ koronavirusa qarşı vaksinasiya fevralda başlayacaq. Vaksinasiya üçün artıq 4 şirkətdən ümumilikdə 56 milyon doza peyvənd alınması təmin edilib.

Qeyd edək ki, Cənubi Koreyada indiyədək 75 min 521 nəfər COVID-19 infeksiyasına yoluxub, 1360 nəfər bu virus səbəbindən həyatını itirib.