"Google" korporasiyasının ana şirkəti olan "Alphabet Inc." şirkəti COVID-19-a qarşı vaksinasiyanın təşviqinə və peyvəndlərin bərabər şəkildə əlçatan olunmasına 150 mln. ABŞ dolları ayıracaq.

Bu barədə şirkətin baş icraçı direktoru Sundar Piçay bildirib.

Məbləğin 100 mln. dolları Ümumdünya Səhiyyə Təşkilatı, ABŞ-ın Xəstəliklərə Nəzarət Mərkəzləri və qeyri-kommersiya təşkilatları arasında bölüşdürüləcək. Qalan 50 mln. dollar isə sağlamlıq agentliklərinin vaksinlə bağlı məlumatları və təchizatları zəif olan icmalara əhatə etməsinə yönələcək.

Bundan əlavə, şirkət "Google"un bəzi saytları vaksinasiya mərkəzləri kimi fəaliyyət göstərə bilməsi üçün yenidən açacaq və axtarış sisteminin daxilində vaksinasiyaya dair konkret məlumat verəcək.