Böyük Britaniya kraliçası II Elizabet və həyat yoldaşı, Edinburq hersoqu Filip COVID-19 əleyhinə peyvənd olunublar.

Bu barədə məlumatı Bukingem sarayı yayıb.

"Kraliça və Edinburq hersoqu bu gün COVID-19-a qarşı peyvənd ediliblər", - bəyanatda deyilir.

Peyvəndləmə kraliçanın və həyat yoldaşının özlərini təcrid etdikləri Vindzor qəsrində həyata keçirilib.

Qeyd edək ki, Britaniyada koronavirus əleyhinə vaksinləmə dekabrda başlayıb. Hələlik peyvəndlər yalnız risk qrupundan olan insanlar üçün əlçatandır. İlk növbədə qocalar evlərinin sakinləri və işçiləri, yaşı 80-i keçən insanlar və həkimlər peyvənd olunurlar.

Kraliçanın hazırda 94, şahzadə Filipin 99 yaşı var. Onlar yaşı 85-dən çox olan risk qrupuna daxil insanlardır.