Meksikada tibb bacısı “Pfizer” peyvəndindən sonra qismən iflic olub.

Aztibb.az xəbər verir ki, bu barədə RT xəbər portalı məlumat yayıb.

Məlumata əsasən, Karla Sesiliya Perezə dekabrın 30-da peyvənd vurulub. Bundan bir neçə saat sonra onun əlləri və ayaqları qismən tutulub. Qadın dərhal reanimasiya şöbəsinə yerləşdirilib.

Tibb bacısının danışmaqda da çətinlik çəkdiyi vurğulanıb.

Peyvənddən əvvəl, Perezin antibiotiklərə qarşı ciddi allergik reaksiyalarının olduğu bildirilir.

Ona ensefalomiyelit (onurğa beyni və baş beynin təhlükəli zədələnməsi) diaqnozu qoyulub.

Hazırda qadının vəziyyəti sabitdir.

Perezin ailəsi peyvəndin gizli yan təsirləri barədə daha çox araşdırma tələb edib.