ABŞ-da pandemiya başlayandan bugunədək 350 min 186 nəfər COVID-19-dan ölüb.

Ölkədə virusa 20 427 780 yoluxma aşkarlanıb. Bu infeksiyaya yoluxmuş 12 milyondan çox insan sağalıb.

Birləşmiş Ştatarda son gündə 160 606 nəfər koronavirusa yoluxub, 2 051 koronavirus xəstəsi dünyasını dəyişib.

ABŞ-da “Moderna” və “Pfizer”/”BioNTech” şirkətlərinin peyvəndlərindən istifadə edilir.

Fransada ötən gün koronavirus infeksiyasına 3 446 yeni yoluxma faktı qeydə alınıb.

Son 24 saat ərzində COVID-19 üçün götürülən analiz nümunələri müsbət çıxmış 157 nəfər vəfat edib.

İndiyədək Fransada ümumilikdə 2 643 239 nəfərin koronavirus infeksiyasına yoluxması faktı müəyyən edilib, onlardan 64 921 nəfər ölüb.

Böyük Britaniyada gün ərzində aşkar edilən koronavirusa yoluxma hallarının sayı 57,7 min nəfər təşkil edib ki, bu da pandemiyanın başlanğıcından bəri rekord göstəricidir.

Ardıcıl beş gündür ölkədə aşkarlanan yoluxmaların sayı 50 mindən çoxdur.

Son sutkada Britaniyada infeksiyasının yaratdığı xəstəlikdən ölənlərin sayı 445 nəfər olub.

Türkiyədə son sutka ərzində COVID-19-dan 202 nəfər ölüb. 

Ölkədə ötən gün imptomları müəyyən edilməyənlərlə birlikdə  11 180 nəfər  COVID-19 xəstəsi olaraq qeydiyyata alınıb.

Sağalan xəstə sayı 11 672, ağır xəstə sayı isə 3 764 nəfər olub. 

Son 24 saatda Pakistanda 2 min 184 nəfər COVID-19-a yoluxub və ümumilikdə, yoluxma sayı 484 min 362 nəfərə çatıb.

Son gündə koronavirusdan 82 nəfər vəfat edib və ümumilikdə, ölənlərin sayı 10 min 258 nəfər olub. Xəstəxanalarda 35 min 130 nəfər müalicə olunur, onların 2 min 264-nün vəziyyəti ağırdır. İndiyədək ölkədə 438 min 974 xəstə müalicə olunaraq sağalıb.