Kifoz onurğanın gözlə görülə bilinəcəq qədər önə doğru əyilməsidir. Onurğanın önə doğru əyilməsi qozbellik şəklində özünü biruzə verir. Buna görə də el arasında kifoz xəstələrinə qozbel deyilir.
Xəstəlik zamanı onurğanın üst hissəsi xaricə doğru əyilir,alt hissəsi isə içəriyə doğru əyilir.Əksər hallarda xəstəliyə diaqnozun qoyulması çətinlik törətmir.
Kifozun digər ümumi simptomlara aşağıdakılar daxildir:
Çiyinlərin hündürlüyündə nəzərə çarpan fərq
Bədənin qalan hissəsinə nisbətən başın önə doğru əyilməsi
Xəstə irəli əyilərkən yan tərəfdən baxıldıqda döş fəqərələrində olan qabarıqlıq (yuvarlaq görüntü)
Onurğa sütunu ətrafı əzələ ağrısı
Ayaqlarda sinir sıxılması səbəbilə yaranan uyuşmalar
Bədən tarazlığını saxlamaqda yaranan problemlər
Yorğunluq (xüsusilə aşağı ətraf əzələlərində anormal duruşu təmin etmək üçün lazım olan artmış əzələ funksiyası)
Dik durmaqda çətinlik
Zəif duruş
Daha ciddi kifoz əyrilikləri dərman müalicəsinin kifayət etmədiyi davamlı ağrılara, ağciyərlərə təzyiq nəticəsində tənəffüs problemlərinə səbəb ola bilər.
Travma və inkişaf anormallıqları, degenerativ disk xəstəliyi, iltihabi və yoluxucu xəstəliklər kifozun səbəbləridir.
Yuxarıda göstərilən səbəblərə əlavə olaraq əzələ və sinir-əzələ xəstəliklərinə görə də kifoz inkişaf edə bilər.
- Serebral iflic
- Əzələ distrofiyası
- Onurğa əzələ atrofiyası
- Spina bifida, Myelosel, Myelomeninqosel və s. kimi anadangəlmə qüsurlar
- Paget xəstəliyi
- Qocalma
- Onurğa sütunu ətrafı əzələlərin zəifliyi
- Uşaqlarda ortaya çıxan və səbəbi bilinməyən Scheuermann xəstəliyi
- Osteoporoz və s. sümük əriməsi ilə yaranan patoloji fəqərə sınıqları
- Onurğa travması nəticəsində sürüşmüş disklər
- Onurğa törəmələri
- Onurğa infeksiyaları (spondilodissit, spondilit və s.)
- Birləşdirici toxumaların xəstəlikləri
Kifoz adətən əyriliklə yanaşı digər orqanlara təsiri ilə də xəstəni narahat edir.Kifoz zamanı xəstələrin onurğasında olan əyrilik səbəbli ağrılar meydana çıxır Bu əyilmələr zamanı fəqərəarası diskin sinirləri sıxması səbəbli baş verir.
Kifoz həm anadangəlmə, həm də sonradan qazanılma ola bilir. Erkən diaqnozun qoyulması və vaxtında aparılan müalicə kifozun inkişafını ləngidir və gələcəkdə baş verəcək ağrıların qarşısını alır. Xəstəlik anadangəlmə olduqda kifoz qısa bir zamanda və sürətlə inkişaf edir. Bu adətən doğuş travmaları zamanı baş verir.
Konjenital kifoz 3 formada qarşımıza çıxa bilər:
Fəqərə cisminin yalnız arxa tərəfinin inkişaf etməsi ilə yaranan hemivertebra
Fəqərə hissələrinin birləşməsi ilə olan seqmentlənmə (bölünmə) qüsuru
Bu iki qüsurun eyni anda görülməsi
Sonradan baş verən kifoz ən çox 10-15 yaşlı uşaqlar arasında olur. Bu yaşda olan uşaqların kifoza yaxalanma riski çox olur. Kifoza qadınlar və kişilər arasında eyni sayda rast gəlinir. Amma yetkinlik dövründə kifoza ən çox qızlar arasında rast gəlinir.
Kifozun gözlə görüləcək qədər böyük olması qozbellik adlanır. Qozbelliyə erkən diaqnozun qoyulması üçün öz uşağınızı özünüz müayinə edə bilərsiniz. Bu zaman uşağınızı soyundurun və ondan önə doğru əyilməsini xahiş edin. Bu zaman onurğa bölgəsində az da olsa qabarıqlıq müşahidə edilərsə onu mütləq həkimə aparmaq lazımdır. Qabarıqlıq olan hissədə ağrını olması isə xəstəliyin irəliləməsini və vəziyyətin ciddi olmasının işarəsidir.
