Hindistanda son sutkada daha 20 549 nəfərdə koronavirus aşkarlanıb, 286 nəfər ölüb.

Bununla da Hindistanda COVID-19-a yoluxanların sayı 10 244 582-yə, virusdan vəfat edənlərin sayı isə 148 439-a çatıb.

Pakistanda son 24 saatda COVID-19-a 1776 nəfər yoluxub. Beləliklə, pandemiya dövründə xəstələrin sayı 476 min 85 nəfərə çatıb.

Son gündə virusdan 63 xəstə dünyasını dəyişib, bununla da ölənlərin sayı 9 min 992 nəfərə çatıb. Bildirilir ki, ölkə xəstəxanalarında 39 min 599 pasiyent var.

Pandemiya vaxtı 425 min 494 xəstə sağalıb. İndiyədək Pakistanda 6 milyon 619 min 983 test edilib.

Fransada ötən gün ərzində koronavirusa 11 min 395 nəfər yoluxub. Ölkədə 384-ü xəstəxanalarda, 585-i qocalar evlərində olmaqla 969 ölüm faktı qeydə alınıb.

Beləliklə, Fransada koronavirusa yoluxanların ümumi sayı 2 milyon 574 min 41-ə, ölənlərin sayı 64 min 78-ə çatıb.

Xəstəxanalarda 24 min 776 xəstə müalicə alır. Reanimasiya şöbələrində 2 min 675 ağır koronavirus xəstəsi var.

Gürcüstanda son gündə koronavirusa 1 738 yeni yoluxma halı təsdiqlənib, 1 494 nəfər müalicə olunaraq sağalıb, 38 pasiyent isə ölüb.

Qonşu ölkədə COVID-19-a ümumi yoluxma sayı 225 893 təşkil edir. Yoluxanların 210 445-i sağalıb, 2 481-i isə vəfat edib.

Ermənistanda daha 582 nəfərdə koronavirus aşkarlanıb.

Bununla da Ermənistanda virusa yoluxanların sayı 158 878-ə yüksəlib.

Ölkədə pandemiyadan ölənlərin sayı 10 nəfər artaraq 2 807-yə çatıb. COVID-19 diaqnozu qoyulmuş, ancaq başqa səbəbdən ölənlərin sayı isə 679-a yüksəlib. İndiyədək 141 844 pasiyent infeksiyadan sağalıb.