Beyləqan Rayon Mərkəzi Xəstəxanasında uzun illər həkim-pediatr vəzifəsində çalışan Elman Paşayev yaş həddinin tamam olması ilə əlaqədar olaraq təqaüdə yola salınıb.
Xəstəxanadan Aztibb.az-a verilən xəbərə görə, bu münasibətlə keçirilən tədbirdə Beyləqan Rayon Mərkəzi Xəstəxanasının rəhbərliyi, həkimlər və böyük tibb bacıları iştirak ediblər.
Tədbirdə Elman Paşayevin uzun illər ərzində səhiyyə sahəsində göstərdiyi xidmətlər, yüksək peşəkarlığı, həkimlik fəaliyyəti və kollektiv arasında qazandığı hörmət və nüfuz xüsusi vurğulanıb. Qeyd olunub ki, onun uzunmüddətli fəaliyyəti, bilik və təcrübəsi, eləcə də uşaqların sağlamlığının qorunması istiqamətində göstərdiyi fədakarlıq daim ehtiramla xatırlanacaq.
Sonda Elman Paşayevə uzun illər ərzində göstərdiyi xidmətlərə görə təşəkkür edilib, ona möhkəm cansağlığı, uzun ömür və gələcək həyatında xoş günlər arzulayıblar.
