Hamiləlik zamanı hormonal dəyişikliklər və böyüyən uşaqlığın sidik kisəsinə təzyiqi sidik yolları infeksiyası riskini artırır. Bu infeksiya bəzən heç bir əlamət vermədən də keçə bilər. Ona görə də müntəzəm sidik analizi çox vacibdir.

 

Aztibb.az xəbər verir ki, diqqət edilməli əlamətlər aşağıdakılardır:

Tez-tez və ağrılı sidik ifrazı

Sidik ifrazı zamanı göynəmə

Qarnın aşağı hissəsində ağrı və ya narahatlıq

Bulanıq və ya xoşagəlməz qoxulu sidik

Sidikdə qan.

 

Yüksək hərarət, üşütmə, bel və ya böyür nahiyəsində ağrı olarsa, təxirə salmadan həkimə müraciət edin. Bu əlamətlər infeksiyanın böyrəklərə keçdiyini göstərə bilər.

 

Müalicə olunmayan infeksiya vaxtından əvvəl doğuş və aşağı çəkili körpə kimi ağırlaşmalara səbəb ola bilər.

Qorunmaq üçün:

Kifayət qədər su için

Sidiyi uzun müddət saxlamayın

Gigiyena qaydalarına əməl edin

Pambıq alt paltarlarına üstünlük verin

Həkiminizin təyin etdiyi analizləri vaxtında verin.

 

Hamiləlikdə özbaşına dərman qəbul etmək təhlükəlidir! Müalicəni yalnız həkim təyin etməlidir.